OFQUAL (Qualifications and Examinations Regulation Office) - Angliyada faoliyat yurituvchi mustaqil davlat regulyator idorasi (Britaniya parlamentga bo’ysunuvchi tashkilot) bo'lib, malaka va imtihonlarni tartibga soladi. U ta'lim sifati, adolatliligi va xalqaro darajadagi tan olinishi ustidan nazorat qiladi.

RQF (Regulated Qualifications Framework) esa Angliyadagi malaka darajalarini 1-darajadan 8-darajagacha tasniflaydi va ta'lim natijalari hamda kredit birliklarining barqarorligini ta'minlaydi.

Bizning Malakalarimiz

IQAC malakalari Buyuk Britaniyaning Malakalar Ramkasi (RQF) bilan uyg’unlashtirilgan bo’lib, foundationdan boshlab magistratura darajalarini qamrab oladi.

Daraja	Nomi	Tavsifi
3-daraja	Foundation	O‘rta maktabdan keyingi bosqichdagi o‘quvchilar va kasb yo‘lini boshlayotganlar uchun
4/5-daraja	Bakalavriat	Buyuk Britaniya bakalavriatining 1–2-kursiga tenglashtiriladi
6-daraja	Bitiruvchi bosqich	Bakalavriatning yakuniy yili yoki “top-up” yo’li (oxirgi kursni Britaniya yoki mahalliy hamkor universitetlarda bitirish imkoniyati)
7-daraja	Magistratura	Ilg‘or professional yoki akademik dasturlar

IQAC tomonidan O’zbekistonda taklif etilayotgan yo'nalishlar

• Axborot Texnologiyalari: Kiberxavfsizlik, Ma'lumotlar Ilmi va Sun'iy Intellekt ta’lim yo'nalishlari
• Biznes Boshqaruvi
• Arxitektura
• Muhandislik
• Turizm va Mehmondo'stlik

Angliya RQF standartlari asosida o'qishning afzalliklari

• Erta boshlanish: 10-11-sinflarda o'qiyotgan o'quvchilar allaqachon 3-darajali (International Foundation) dasturga kirishlari mumkin.
• Uzluksiz rivojlanish: 3-darajali diplomga ega bo'lgan talabalar 4-darajaga, ya'ni Britaniya bakalavriatining birinchi bosqichiga o'tishlari mumkin.
• Moslashuvchan yo'llar: Talabalar 4, 5, va 6-darajalardagi o'qishni O'zbekistondagi hamkor universitetlarda davom ettirishlari yoki Britaniyadagi nufuzli universitetlarga o'tishlari mumkin.